Një tragjedi Ka ndodhur mëngjesin e sotëm në Borghetto sipas mediave italiane, ku pak minuta para orës 10 të mëngjesit një shqiptar humbi jetën si pasojë e një aksidenti në punë .
Ngjarja ka ndodhur në kantierin e një ndërtese italiane. Një punëtor 61-vjeçar me kombësi shqiptare, tjegulltar i cili punonte në një kompani në Cuneo, ndodhej në katin e katërt të një skele, kur për arsye për t’u sqaruar u rrëzua përtokë nga një lartësi rreth 8-10. metra .
Alarmi u ngrit menjëherë, me ndërhyrjen e një ambulance të Kryqit të Kuq të Loanos dhe ambulancës 118, por nuk mund të bëhej asgjë për burrin . Karabinierët dhe policia lokale ishin gjithashtu në vend.
“Një tragjedi, vajtojmë një tjetër vdekje të papritur dhe një tjetër familje të rrënuar – është komenti i menjëhershëm i kryebashkiakut Giancarlo Canepa , i cili mbërriti menjëherë në vendin e aksidentit – Në këto raste nuk ka fjalë, tani hetimet do të bëjnë kursin e tyre për të konstatuar saktësisht se çfarë ka ndodhur dhe për të hedhur dritë mbi të gjitha aspektet e çështjes”.
Dëshmitarja e vetme, zonja Simonetta që punon në një supermarket pranë godinës: ” Sapo isha larguar kur dëgjova një zhurmë – tha ajo, dukshëm e prekur nga ajo që kishte ndodhur – ngrita sytë dhe e pashë të rrëzohej”. Gruaja iu drejtua Klinikës Mjekësore aty pranë për të kërkuar ndihmë të menjëhershme: “Erdhi një infermiere dhe ndërkohë lajmërova urgjencën. U bë gjithçka që ishte e mundur, por fatkeqësisht nuk mund të bëhej asgjë”.
