Sot në Serbi mbahen zgjedhjet parlamentare. Për të votuar rreth preferencave të tyre politike atje janë nisur edhe dhjetëra serbë nga Kosova.
Shqiptarët e Luginës garojnë këtë herë me dy lista: “Beteja politike e shqiptarëve vazhdon – Shaip Kamberi” që udhëhiqet nga Shaip Kamberi dhe “Alternativa Demokratike Shqiptare-Lugina e Bashkuar”, e Shqipërim Arifit.
Ndërkohë, misioni paqeruajtës i NATO-s në Kosovë, KFOR, ka shprehur përkushtimin që të ndërmarr të gjitha masat e nevojshme për të siguruar një ambient të qetë dhe të sigurt për të gjitha komunitetet në Kosovë si dhe lirinë e lëvizjes, gjatë periudhës zgjedhore.
