Arben Kraja: Jam i bindur për korrupsionin që ka bërë Sali Berisha

Prokurori Arben Kraja u shpreh sot në mbledhjen e Këshillit të Mandateve dhe Imunitetit se është i bindur se kanë të drejtë në cdo akuzë që kanë ngritur kundër Sali Berishës për korrupsion pasiv për dosjen e kompleksit “Partizani”.

“Ne kemi paraqitur atë kërkesë që është miratuar nga gjykatat. Jemi totalisht të bindur se kemi të drejtë dhe do i qëndrojmë deri në fund. Kur ndaj deputetit duhet të caktohet masa e arrestit në shtëpi ose burg, heqja e lirisë në cdo formë, prokurori kërkon autorizim. Debati bëhet, cfarë do të thotë heqje lirie. kufizimi është më i ngushtë. Heqja është totalisht heqje. Kur duhet të vinte prokurori para jush për heqjen e lirisë.

Neni 232, një nga masat që parashikohet është shtrimi në një spital psikiatrik. Kjo do të thotë heqje totale e lirisë. Shpresoj të mos kemi asnjë situatë të tillë. Në këtë rast prokurori duhet të vijë të kërkojë leje. E dyta, mos dhënia e autorizimit, nuk e pengon prokurorin që të kërkojë masat e tjera. Debati zhvillohet, të shohim cfarë do të thotë gjykata Kushtetuese” tha ai.