Ministrja e Punëve të Jashtme Donika Gërvalla priti në takim abasadoren në Kosovë të Letonisë Eliat Kuzma, të cilën e falenderoi për mbështetjen që shteti i saj i ka dhënë Kosovës vazhdimisht.
“Kosova do të mbrojë integritetin territorial të saj dhe njëkohësisht së bashku me vendet aleate, partnere dhe mike angazhohet për ruajtjen e stabilitetit të rajonit duke synuar edhe normalizimin e marrëdhënieve me Serbinë”, bëri të qartë ministrja Gërvalla.
Sipas një njoftimi të ministrisë, gjatë takimit pati bisedime që marrëdhëniet dypalëshe në mes dy vendeve të thellohen edhe më tej, përderisa Ambasadorja Kuzma ritheksoi mbështetjen e palëkundur të Republikës së Letonisë për Republikën e Kosovës në rrugën e saj integruese euro-atlantike.
