Ish-kryeministri Sali Berisha bëri një kthesë të fortë sot duke deklaruar se nuk e njeh vendimin që do të marrë parlamenti ditën e enjte për fatin e tij, që sipas të gjitha gjasave do të jetë heqja e imunitetit që i hap rrugën SPAK-ut për të kërkuar arrestimin e tij. E ndërsa më parë kishte deklaruar se do të respektonte vendimin e parlamentit. Sot Berisha tha se nuk do ta respektojë duke argumentuar se përse ndryshoi qëndrimin.
“Vendimi i Parlamentit merret mbi një vendim të paligjshëm. Unë nuk mund të pranoj të ligjshëm një vendim që merret mbi bazën e një vendimi të paligjshëm. Unë denoncoj se vendimi i marrë pa shqyrtuar asnjë dokument dhe dosje, por thjeshtë për rëndim se kam refuzuar të pranoj dhunimin e Kushtetutës. Kjo është marrëzia më e madhe.
Unë dje pashë te Këshilli i Mandateve, sepse nuk kishte kaq kohë, por pashë që ajo ishte turpi më i madh në historinë e këtij vendi. Unë mendova se aty do të shkojë dosja, sikur thotë rregulli dhe ligji dhe e vetmja pyetje që iu bë, i thanë na nxirr një dokument për rolin që ka luajtur Berisha në ndryshimin e destinacionit, por ai tha “nuk jemi për këtë sot këtu” se dilte emri i Edi Ramës” tha ai.
Berisha: Do ngremë padi ndaj SPAK për amnistitë ndaj Veliajt dhe Beqajt
