Një shqiptar i cili kishte shumë kohë që kërkohej në Zvicër është arrestuar së fundmi. Tashmë zjarrvënësit 48-vjeçar i duhet të kalojë 13 vite pas grilave. Gjykata Federale ka konfirmuar vendimin e Gjykatës së Lartë të Solothurnit.
Kosovari kishte vënë zjarrin në një pallat banimi në Solothurnerstrasse në Balsthal natën e 21 korrikut të vitit 2019. Ai kishte derdhur disa bombola me gjithsej 30 litra benzinë në ish- “tea room”-in dhe sallën e shitjes në katin përdhes, siç mund të lexohet në vendimin e Gjykatës Federale.
Sipas Gjykatës Federale, me këtë veprim personi i akuzuar ka marrë në konsideratë në mënyrë të paskrupullt vdekjen e banorëve. Dy persona qenë detyruar të shkonin në spital për shkak të dyshimeve për thithjen e tymit, përcjell albinfo.ch. Ata ishin larguar nga spitali po atë natë. Në objekt ka pasur dëme materiale në shumën e 570 mijë frangave.
