Florenc Doka do të jetë drejtori i ri i burgut të Peqinit. Ai do të zëvendësojë në këtë detyrë Kamber Hoxhën, i cili kishte vetëm pak kohë që ishte komanduar, por u arrestua pas vrasjes që ndodhi javën e kaluar.
Hoxha u arrestua bashkë me 11 zyrtarë të tjerë të burgut, ku i dënuari Sokol Mjacaj qëlloi për vdekje Arben Lleshin dhe plagosi Indrit Qaqen.
Në dosjen e prokurorisë theksohej se Kamber Hoxha në cilësinë e drejtorit të burgut dhe shefi i regjimit të brendshëm e kishin njoftuar drejtorin e përgjithshëm për situatën brenda duke thënë të vërtetat troç, se të dënuarit e kishin kthyer burgun si hotel me arredimet dhe gjithçka që kishin futur brenda.
