Mbrëmjen e djeshme në media qarkulloi një lajm që ish-drejtori i Policisë së Shtetit, Gledis Nano ka qenë i rrezikuar pasi ndaj tij ishte planifikuar një atentat.
Por a mund të arrijë krimi deri këtu? Lefter Maliqi, njohës i çështjeve të sigurisë në një bisedë në “Skype” me “5Pyetjet.al” u shpreh se Nano ka qenë i rrezikuar si pasojë e informacioneve që dispononte.
“Ardi Veliu ka qenë 10 vite në një klasë me mua dhe vartësi im në Tepelenë që nuk e njihte policinë kriminale. Kurse Gledis Nano ka mbaruar dy vite pas meje. Ishte specialist, njihte policinë kriminale dhe krimin e organizuar. Ishte i mirë specializuar.
Kur është bërë drejtor i përgjithshëm i policisë e kam uruar me SMS dhe i kam dhënë këshillat e mia duke qenë i bindur se nuk do të ishte gjatë. Kam thënë që ky do të jetë shumë shkurt sepse duhet të dalë nga natyra e vet dhe e vërteta është që nuk zgjati as 7-8 muaj.
Kishte shumë informacione, që i çoi në ambasadën amerikane. Sikur ishte rasti kishte dijeni për Ervis Martinajn dhe të tjerë dhe heshti më pas. Ky ka qenë i rrezikuar” tha ai për “5Pyetjet.al” .
