Situata në pallatin 12-katësh në Lushnje, i cili prej mesditës së sotme është përfshirë nga flakët vijon të mbetet kaotike.
Në një prononcim për mediat, shefi i urgjencës, Skënder Brataj tha se po hyhet në çdo derë ka apo nuk ka njeri për të kontrolluar.
Ai theksoi se dy godina deri më tani janë kontrolluar, ndërsa e tratë është në gjysëm. Për fat të mirë deri më tani nuk raportohet për viktima, ndërsa personat e asfiksuar po marrin ndihmë mjekësore në urgjencën e spitalit të Lushnjes.
“Po hyhet në çdo derë, ka apo nuk ka njeri. Nuk besoj se do të ketë pasojë për pacientët që janë në spital, po edhe nëse do të ketë janë njoftuar, Fieri dhe Tirana.
Janë kontrolluar 2 godina, tjera është në gjysëm. Nuk rezulton asnjë person në qendrën tregatare dhe godinat përreth,” tha ndër të tjera ai.
