Bashkimi Evropian ka bërë me dije se pret që Kosova të marri vendim të njëjtë si Serbia për sa i përket njohjeve të targave.
Në një përgjigje për Top Channel, zëdhënësi për politikë të jashtme i BE-së Peter Stano thotë se blloku e mirëpret vendimin e Serbisë për njohjen e targave të Kosovës dhe largimin e letrave ngjitëse.
“Ne mirëpresim vendimin e Serbisë për të njohur zyrtarisht targat e automjeteve RKS të lëshuara nga Kosova. Ky vendim është një hap pozitiv në zbatimin e Marrëveshjes për Rrugën e Normalizimit, si dhe në angazhimet e kaluara të Dialogut lidhur me Lirinë e Lëvizjes.
Më tej, Stano bën të ditur që Kosova do marrë vendimin e njëjtë.
“Ky vendim i hap rrugën heqjes së plotë të regjimit të afisheve. BE-ja tani pret që Kosova të përgjigjet në mënyrë të njëjtë“, shton Stano.
Qeveria serbe ka marrë vendim këtë të hënë që të njohi targat e lëshuara nga auotoritetet kosvare dhe të jetë i mundur qarkullimi pa letra ngjitëse që mbulojnë simbolet e Kosovës.
