Një arsenal armësh është gjetur në Gramsh nga disa të rinj.
Bëhet me dije se ata kanë gjetur një sasi të madhe granatash dhe arka me fishekë.
Sipas informacioneve të para, arsenali i armëve u gjet në një banesë të vjetër prej guri dhe të pabanuar, pronari i së cilës nuk jeton më.
“Në fshatin Çekrezë, në një banesë të vjetër prej guri dhe të pabanuar (pronari i së cilës nuk jeton më), janë gjetur në arka të vjetra, disa granata dhe një sasi municioni luftarak.
Shërbimet e Policisë dhe grupi hetimor kanë shkuar menjëherë në vendin ku janë konstatuar lëndët plasëse, kanë siguruar perimetrin e sigurisë dhe vijon puna për dokumentimin ligjor të rastit,” thuhet në njoftimin e policisë.
