Një person ka mbetur i plagosur me armë zjarri në fshatin Malbardhë të Kurbinit.
Policia njoftoi se i lënduari është Fatjon Lika. Ai u qëllua me një plumb pistolete nga Admir Shqypi.
I plagosuri u transportua menjëherë në spital për ndihmë mjekësore dhe ndodhet jashtë rrezikut për jetën.
Autori i kësaj ngjarje është shpallur në kërkim. Bashkë me të janë shpallur në kërkim edhe dy shokë të tij, të dyshuar si të përfshirë në konflikt.
Deri më tani nuk dihen shkaqet dhe rrethanat e plota të kësaj ngjarje. Ajo që bëhet e ditur është se mes autorit dhe të plagosurit ka pasur një konflikt të nisur më parë.
Plagosja mes të rinjve në Kurbin, policia zbardh ngjarjen, autori në arrati
