Aktorja Olta Gixhari, gjatë natës finales së Dancing With The Stars ka konfirmuar lajmet se është shtatzënë
E veshur me një fustan të kuq, Olta i ka dhënë fund aludimeve rreth shtatzënisë së saj, duke theksuar se është në pritje të ëmbël.
Ajo do të bëhet nënë për herë të dytë, por ende nuk e ka zbuluar gjininë e foshnjës, ndërsa tha se do dëshironte të ishte vajzë.
“Jam në pritje të ëmbël. Është folur shumë për këtë, por ku ka më mirë sesa tani dhe sot ta thuash këtë dhe të kesh një kujtim të bukur. Do të doja shumë që të ishte rozë, por nuk e di akoma. Kam vendosur të mos ta zbuloja ende gjininë. E rëndësishme është që është i shëndetshëm”, tha aktorja.
Kujtojmë se Olta është nënë e një djali të quajtur Amar, i cili ishte arsyeja pse Olta la në mes rrugëtimin e saj drejt finales së “Big Brother VIP 2”, ku një numër i madh ndjekësish të programit e konsideronin fituese.
