Sot është dita e fundit e vitit 2023. Por si do të jetë moti këtë natë të ndërrimit të viteve. Sinoptikanët thonë se nuk do të ketë reshje shiu.
“Mëngjesi është i vrenjtur, do të ketë prezencë të vranësirave, dita e sotme do të ketë dhe intervale të shkurtra kthjellimesh, kthjellimet do të ketë në veri dhe në qendër, ndërsa në zonat jugor do të kemi vranësira.
E njëjta situatë do të vijojë gjatë gjithë ditës së sotme, megjithatë, vetëm në momentin e ndërrimit të viteve krijohet mundësia për reshje të pakta të izoluara në zonat në skajin veriperëndimor. Sot në 99% të territorit, nuk do të ketë reshje.
Reshjet i presim në mesditën e datës 1 janar 2024 dhe në vijim është 2-3 ditë, me reshje të pakta” tha meteorologia Lajda Porja.
