Tre persona janë arrestuar të dielën në lidhje me kërcënimet për një sulm të mundshëm në katedralen e Kolnit gjatë festave të fundvitit.
Ata u arrestuan të dielën në qytetet Duisburg, Herne dhe Dueren, dhe apartamentet e tyre u bastisën. Nuk janë zbuluar identitetet e tyre.
Arrestimet erdhën vetëm disa ditë pasi një 30-vjeçar nga Taxhikistani u arrestua në lidhje me planifikimin e një sulmi në katedrale.
Sulmi ishte planifikuar të bëhej me një veturë të mbushur me eksplozivë, kanë njoftuar mediumet lokale gjermane.
Gjithë të dyshuarit – përfshirë edhe shtetasi i Taxhikistanit i arrestuar javën e kaluar – i takonin një rrjeti të gjerë që përfshinte njerëz nëpër Gjermani dhe shtetet tjera evropiane, ka thënë shefi i policisë së Koelnit, Johannes Hermanns.
