Aeroporti i Nju Jorkut, LaGuardia, është mbyllur deri në një njoftim të dytë pas një përplasjeje mes një avioni të Air Canada Express dhe një automjeti në tokë.
Administrata Federale e Aviacionit (FAA) vendosi një ndalim të menjëhershëm të fluturimeve të dielën në mbrëmje, duke paralajmëruar se ekziston një mundësi e lartë që masa të zgjasë.
Sipas raportimeve të CBS News, avioni po vinte nga Montreali dhe kishte përfunduar uljen. Ai kishte ngadalësuar në rreth 24 milje në orë kur u përplas me një automjet të Autoritetit Portual të Nju Jorkut dhe Nju Xhersit, institucioni që menaxhon aeroportin.
Avioni i përfshirë në incident ishte një model më i vogël, CRJ 900, me rreth 70 deri në 90 persona në bord, dhe ka pësuar dëmtime të konsiderueshme.
Mediat lokale raportojnë për disa persona të plagosur, ndërsa autoritetet vijojnë hetimet për të përcaktuar shkaqet e aksidentit.
