Një ditë pas tentativës për t’u arratisur nga burgu i Fierit ku ndodhen, Drejtoria e Përgjithshme e Burgjeve ka marrë vendimin për t’i izoluar Dan Hutrën dhe tre personat e tjerë që e ndihmuan në regjimin e posaçëm “41 Bis”.
Geraldo Veizi, Martin Kapllani dhe Feti Kovaçi janë tre të dënuarit që dyshohet se e ndihmuan Hutrën, që të kurdiste planin për t’u arratisur. Hutra kishte siguruar mjete të improvizuara për arratisjen nga burgu i sigurisë së lartë në Fier.
Ai kishte arritur që përmes shtypjes së tenxhereve të krijonte mjetet prerëse për të prerë zgavrën e hekurit ku më pas do kalonte duke përdorur një çarçaf të lidhur në formën e litarit.
Në 1 mars të vitit të kaluar Hutra u mori jetën 3 grave të reja dhe plagosi tre të tjera, në tre zona të ndryshme të Tiranës brenda një ore.
Si e kurdisi planin për t’u arratisur nga burgu njeriu që vrau tre gra për një orë?
