Dyshime dhe pista të reja hetimi po dalin në skenë lidhur me vetëvrasjen e 41-vjeçares Bedrie Loka në Durrës.
Policia ka marrë dëshminë e vajzës të së ndjerës, gjithashtu mësohet se grupi hetimor ka marrë dhe dëshmitë e vëllezërve të saj.
Mësohet se dëshmitë e tyre, dhe pse ende nuk janë bërë publike, kanë ngritur pista të reja hetimi që nuk lidhen vetëm me denoncimin për bullizimin në rrjetet sociale të cilat e ndjera i kishte denoncuar 13 muaj më parë, por edhe me marrëdhëniet familjare.
Versioni për bullizimin në “Tik-Tok” u denoncua në polici përherë të parë nga i shoqi.
Grupi hetimor ka këqyrur edhe telefonin e të ndjerës, por nga këqyrja paraprake deri tani nuk ka rezultuar ndonjë prove implikuese që të përfshijë personat me të cilët ka komunikuar sidomos para aktit ekstrem.
