Bedrie Loka, 41-vjeç nga Sukthi i Durrësit, i dha fund jetës 3 ditë më parë duke u vetëhelmuar me fotoksinë. Në lidhje me rastin ka reaguar dhe këngëtarja Zajmina Vasjari, e cila e njihte Bedrien për shkak se ajo punonte në fasonërinë e administruar nga ajo dhe bashkëshorti.
“Tani do prehesh në paqe Bedrie! U përpoqa shumë dje të zbardhja historinë tënde nga lajmi i rremë që portalet të përfshinë, por për fat të keq askujt nuk i interesoi historia e një gruaje të dhunuar, se ndoshta është shumë e dëgjuar, por historia e tik tokut do ishte lajm më i klikuar.
Për fat të keq sot edhe lajmi i vdekjes shet, pa i interesuar e vërteta. Ti ishe një grua e bukur, e zonjë, e fortë, një nga punëtoret më të shkëlqyera të kompanisë sonë, e ndershme dhe një nënë shembullore”, shkruan Zajmina në postimin e saj.