Legjenda e futbollit brazilian Mario Zagallo ka vdekur në moshën 92-vjeçare. Ai fitoi katër Kupa të Botës ose si lojtar ose trajner. Në një deklaratë në Instagram, familja e tij e përshkruan atë si një “kampion të përjetshëm të botës”.
“Një baba i përkushtuar, gjysh i dashur, vjehërr i kujdesshëm, mik besnik, profesionist fitimtar dhe një qenie njerëzore e madhe. Idhull gjigant. Një atdhetar që na ka lënë një trashëgimi arritjesh të mëdha. Falënderojmë Zotin për kohën që mundëm të kalojmë me ju dhe i kërkojmë Atit që të gjejmë ngushëllim në kujtimet e mira dhe shembullin e madh që na le”.
I lindur në vitin 1931, ëndrra e parë e Zagallo ishte të bëhej pilot, por ai duhej ta braktiste këtë për shkak të shikimit të dobët. Ai vazhdoi të studionte kontabilitet dhe u bë një futbollist aksidentalisht pasi luajti me një ekip vendas në kohën e tij të lirë.
Në një intervistë ai dikur tha: “Babai nuk donte që unë të bëhesha futbollist, nuk më lejonte. Atëherë nuk ishte një profesion që respektohej, shoqëria nuk e shikonte me mirësi… Prandaj them që futbolli erdhi në jetën time rastësisht”.
