Ndeshja mes Frosinones dhe Monzas ishte plot emocione, duke përfunduar me rezultatin 2-3 në favor të skuadrës së Raffaele Palladino, i cili e pa ndeshjen nga tribuna pas skualifikimit të marrë në Napoli javën e kaluar.
Epërsi e dyfishtë për mysafirët që në pjesën e parë të ndeshjes,
Fillimisht shënoi Dany Mota në minutën e 18-të, me sulmuesinqë mposhti Turatin nga brenda zonës së rreptësisë dhe më pas erdhi goli i Valentin Carboni, i cili mbylli në mënyrën më të mirë një kundërsulm i nisur për shkak të një topi të humbur nga Soule në mesfushë.
Çmenduri në “Meazza”, karton i kuq, gol dhe penallti në shtesë, në fund fiton Interi
Lajmi i keq për Raffaele Palladino erdhi nga Michele Di Gregorio, i cili u desh të largohej nga fusha pas pak më shumë se dyzet minutash për shkak të lëndimit. Sorrentino zuri vendin e tij.
Pjesa e dytë nisi me autogolit të bujshëm nga Matias Soule, i cili gabimisht dërgoj topin në rrjetën e tij dhe shifrat shkuan në 0-3.
Megjithatë, kur ndeshja dukej se kishte përfunduar, goli i Harrouit në minutën e 57-të i dha shpresa të reja Frosinones.
Në minutën e 75-të, vetë Soule gjeti rrjetën nga një goditje dënimi, duke u shfajësuar pas autogolit dhe duke i dhënë forcë ekipit vendas, me Di Francesco që hodhi në fushë të gjithë sulmuesit që kishte në dispozicion, por pa qenë në gjendje të gjejë barazimin.
