Gëzim Sinomati, 23-vjeçari i cili u ekzekutua mbrëmjen e së dielës më 7 janar do të përcillet sot për në banesën e fundit. Ai është qëlluar me snajper nga sedilja e pasme e makinës nga një distancë prej 35-40 metrash.
Në pjesën e pasme të makinës është gjetur një bllok betoni që ishte modifikuar në sedilje për të qëndruar qitësi.
Grupi hetimor ka dyshime se vrasësi është qitës profesionist . Blloku i betonit i ka shërbyer si ndihmë për të mbështetur armën që të mos gabonte në qoftë se tronditej. Janë mbledhur thuajse 50 kamera sigurie të bizneseve, por edhe qytetit me qëllim i identifikimi. Autorët nuk janë identifikuar, pasi kanë qëndruar në zonë të pandriçuar dhe janë shmangur kamerave.
Ekzekutimi i 23-vjeçarit në Vlorë/ Dyshohet vrasës me pagesë
