Gjykata Kushtetuese ka prezantuar simbolet e reja, stema dhe toga e re. Stema që do të përdoret zyrtarisht nga Gjykata Kushtetuese përmban simbolin e shqiponjës dykrenare me ngjyrë të artë dhe të kuqe dhe mbi kokat e shqiponjës është vendosur përkrenarja e heroit tonë Kombëtar Gjergj Kastrioti Skënderbeut.
Në zemër të shqiponjës është një medalje rrumbullake rreth e qark së cilës është shkruar Republika e Shqipërisë, Gjykata Kushtetuese dhe nën të modelohen gjethe me ngjyrë jeshile, të cilat simbolizojnë fuqi, drejtësi dhe ndershmëri, në qendër të së cilës ngrihet mbi një sfond blu peshorja e drejtësisë. Në pjesën mbështetëse të peshores i gdhendur viti 1992.
