Një ngjarje shokuese ka ndodhur vetëm disa momente më parë në Ekuador, ku persona të maskuar dhe të armatosur kanë hyrë në një studio televizive.
Sipas mediave të huaja personat e armatosur po mbajnë peng njerëzit që ndodheshin në studio, ndërsa pamjet janë bërë virale në rrjetet sociale.
https://twitter.com/i/status/1744812907794141540
Ata kanë bërtitur duke thënë se kanë me vete bomba, ndërsa mësohet se brenda studios janë dëgjuar të shtëna.
Incidenti vjen në mes të rrëmbimit të të paktën shtatë oficerëve të policisë dhe sërë shpërthimesh, vetëm një ditë pas shpalljes së gjendjes së jashtëzakonshme.
Adolfo Macias, i njohur si Fito, u raportua i zhdukur nga qelia e tij të dielën (7 janar).
Kreu i bandës Los Choneros po vuante dënimin me 34 vjet në burgun La Regional për trafik droge dhe vrasje.
