Edhe këtë fundjavë mbështetësit e ish-kryeministrit Sali Berisha janë mbledhur poshtë banesës së tij duke protestuar. Mes protestuesve ishte edhe aktori i njohur Neritan Liçaj.
Ai u shpreh se Berishën nuk mund ta përulin gjë që sipas tij e dinë SPAK, rilindja, media, etj.
“Pinjollët e Enver Hoxhës janë edhe sot në pushtet, kemi po të njëjtët Spiro Koleka, etj. Mua më vjen keq për një gjë, që pas 34 vitesh ne përsëri duhet ta nisim nga rrugicat e Tiranës për t’i sjellë demokraci dhe liri gjithë popullit shqiptar. Jemi një popull që kemi luftuar shumë, por gjithmonë jemi ngritur.
Nuk na mposhti dot Roma, Bizanti dhe nuk do të na mposhtin kurrë për sa kohë do të ketë zemra të lira që rrinë përballë regjimit të Edi Ramës të përzierë me pak liberalizëm, komunizëm e fashizëm. E dimë mirë që Berishën nuk do e përkulin kurrë, e di SPAK, Rilindja, mediat, sorosistët, etj”, tha ai mes të tjerash.
“Berisha, Berisha”/ Ish kryeministri mbledh sërish mbështetësit poshtë shtëpisë
