Juventusi do të përballet mbrëmjen e sotme në 20:45 me ekipin e Sassuolos, sfidë e vlefshme për javën e 20 të Serie A, ndërsa trajneri Allegri ka grumbulluar dhe një herë në ekip talentin shqiptar, Luis Hasa.
19-vjeçari ishte pjesë e ekipit edhe disa ditë më parë, kur Juventusi eliminoi Frosinonen nga Kupa e Italisë, por pa mundur të debutojë.
Mesfushori me tipare sulmuese shihet si lojtari i së ardhmes në Itali, duke qenë pjesë e U-20 te të kaltërit, me të cilët u shpall edhe kampion bote me Italinë U-19 një vit më parë.
Me origjinë nga Peqini, Hasa ka qenë pjesë e Shqipërisë U-15, por më pas kaloi te Italia. Në 2023 i ati i tij, Arben Hasa tha në disa intervista se FSHF-ja nuk u interesua për të.
I menjëhershëm ishte reagimi i FSHF-së, në të cilën u zbardh edhe e-maili i ftesës dhe refuzimi i Hasës.
