Pamjet e kamerave të sigurisë tregojnë momentin kur një shpërthim gazi rrafshoi një ndërtesë në Uashington DC.
Zjarrfikësit iu përgjigjën një raporti për një rrjedhje gazi në lagjen “Anacostia”, por nuk ishin në gjendje ta ndalonin atë.
Njerëzit u evakuuan nga ndërtesa dhe ndërtesat përreth, duke përfshirë një çerdhe me 16 fëmijë. “Gazi ishte shumë i dukshëm. Ju mund ta dëgjoni atë që rrjedh si dhe e nuhasni atë nga rruga”, u tha gazetarëve toger Ryan Bolton.
Shpërthimi ka ndodhur brenda 15 minutave nga mbërritja e zjarrfikësve, duke dëmtuar tre ndërtesa. Mediat lokale raportuan se një burrë pësoi lëndime të lehta pasi u godit nga mbeturinat që fluturuan në ajër dhe u dërgua në spital.
Shkaku i rrjedhjes është ende duke u hetuar, por shefi i zjarrfikësve John Donnelly tha se ai beson se “ndodhi pasi një automjet goditi matësin e gazit”.
