Ambasada amerikane në Tiranë ka publikuar për herë të dytë në faqen zyrtare në Facebook numrin ku qytetarët mund të denoncojnë tek DEA rastet e trafikut të drogës dhe pastrimit të parave. A është kjo një shenjë mosbesimi tek institucionet shqiptare?
“Linja e sinjalizimit të Agjencisë së SHBA Kundër Narkotikëve është aktive. DEA nxit këdo që ka informacion në lidhje me trafikun e drogës ose pastrimin e të ardhurave nga droga ta ndajë informacionin me personelin e DEA-s në WhatsApp në: +1 571 502-7846 ose me email në: [email protected].
Të gjitha të dhënat do të mbahen të fshehta. Falënderimet tona për të gjithë ata individë që kanë dorëzuar të dhëna të besueshme që kanë mbështetur operacionet e DEA-s. Shtetet e Bashkuara janë të përkushtuara të punojnë me Shqipërinë për të luftuar trafikun e drogës dhe pastrimin e parave të lidhura me të, për një të ardhme më të mirë për të gjithë shqiptarët” mbyllet njoftimi.
