Një aksident i rëndë ndodhi mbrëmjen e së premtes në fshatin Zhym, në Krutje të Lushnjes. Automjeti i cili drejtohej nga shtetasi Elnis Allkanjari me shpejtësi ka dalë nga rruga dhe ka përfunduar në kanal.
I riu ka humbur kontrollin e mjetit tip “Volkswagen”, dhe për pasojë ka përfunduar në kanal. Për pasojë ka mbetur i plagosur rëndë shoferi Allkanjari, i cili ka mbetur për disa minuta i bllokuar në makinën që ndodhej në kanal.
Është dashur ndërhyrja e zjarrfikëses për të bërë të mundur nxjerrjen e të riut i cili është dërguar në gjendje të rëndë shëndetësore për mjekim në spitalin rajonal të Fierit.
