Një 18-vjeçar nga Podujeva ndërroi jetë ditën e djeshme, pasi mori plagë të rënda nga goditja me makinë dhe më pas u dhunua brutalisht me shufra metalike.
Lajmin për vdekjen e ka bërë të ditur familja e tij, ndërsa i riu, Lulzim Fejzullahi prej ditësh ishte në QKUK, ku edhe ndërroi jetë.
Sipas Indeksonline, viktima kohë më parë kishte humbur dhe dy prindërit e tij, ndërsa në lidhje me ngjarjen janë arrestuar deri më tani nga Policia e Kosovës dy persona.
Ndërkohë, Prokuroria Themelore e Prishtinës ka deklaruar se rasti i iniciuar fillimisht si “Vrasje në tentativë” tani është ricilësuar si “Vrasje e rëndë” ndërkaq të dyshuarit janë dërguar në masë të paraburgimit.
