Kryetari i PD-së, Lulzim Basha në një konferencë me gazetarët komentoi situatën dhe debatet për komisionin e reformës zgjedhore. Ai tha se fokusi duhet të jetë debati për listat e hapura dhe jo për emrat që duhet të jenë në komision. Sipas tij, nga e gjithë kjo situatë fiton vetëm Edi Rama.
“Debati ka qenë edhe këtë javë, “Ik Enkelejd, të vijë Oerdi” e kuptoni sa e mjerueshme. Edhe kush përfiton, ai që nuk i do listat e hapura. Nuk po arrijmë dot një debat publik se duan ta mbajnë debatin këtu.
Kujt i bëhet vonë për emrat e përveçëm, se kush ulet në atë karrige, njerëzit duan të shohin shpresë. Nuk duhet të humbasim kohë me qarravitje dhe interesa personale. Qytetarët nuk presin që opozita të jetë grindavece për interesa personale” tha ai.
