Ditën e Premte vendi ynë do të vijojë të ndikohet nga kushte të qëndrueshme atmosferike si rezultat i masave ajrore relativisht të thata me origjinë veriperëndimore.
Moti parashikohet me alternime vranësirash në pjesën e parë të ditës, më pas mbizotëron mot i kthjellët në të gjithë territorin.
Nëse java aktuale ka sjellë rritje të lehtë të temperaturave, pritet që në fundjavë të kemi sërish rënie të termometrit disa gradë nën zero.
Parashikohet që përgjatë ditës së shtunë dhe të diel termometri të shënojë deri në -7 gradë në juglindje. Edhe përgjatë ditës së diel parashikohet që termometri të shënojë të njëjtat temperatura.
Ndërsa dita e hënë do të sjellë ulje të mëtejshme të termometrit, i cili pritet të shënoje deri në -10 gradë celcius në zonat malore.
