Një vit përpara zgjedhjeve parlamentare Partia Socialiste me Edi Ramën në krye po bëhet gati për mandatin e katërt. Strukturat po bëhen gati për të “ndezur motorët”.
Për këtë arsye sot Rama mblodhi në seli grupin e posaçëm të punës që do të angazhohet në proces për t’i dhënë porositë. Kryeministri thirri drejtuesit politikë me në krye Sekretarin e Përgjithshëm, Blendi Klosi dhe një pjesë të ministrave që janë të angazhuar për zgjedhjet në parti.
Në krahun tjetër opozita është në ditët më të këqija me Sali Berishën që është i mbyllur në arrest shtëpie dhe Lulzim Bashën nga krahu i vulës që ka mbetur me më pak se 10 deputetë në krah.
