E shtuna e aksidenteve në Fier, ka shënuar një tjetër dalje nga rruga të një automjeti i cili ka përfunduar në kanalin anësor të rrugës në vendin e quajtur “Ura e Bacinozëve” në hyrje të fshatit Dërmenas, aksi Fier- Seman.
Mësohet se në vendngjarje kanë mbërritur menjëherë ambulanca dhe policia, ndërsa drejtuesi i mjetit është plagosur dhe dërguar menjëherë drejt spitalit të Fierit.
Sakaq për gazetarin tonë Fabion Xhafa, banorët e zonës janë shprehur se aksidenti ka ndodhur si pasojë e shpejtësisë së madhe me të cilën po udhëtonte shoferi i mjetit, i cili ka humbur totalisht kontrollin e makinës së tij, një aksident i cili i ka shkaktuar dëmtime të rënda.
Sakaq, grupi hetimor po punon për zbardhjen e dinamikës së aksidentit.
Tiranë/ Të rinjtë “plumb pushke” në timon marrin përpara karrotrecin, 4 të plagosur
