Ditën e sotme rreth orës 17:00 opozita ka paralajmëruar një protestë e cila do të mbahet para parlamentit pasi brenda tij do të zhvillohet seanca plenare.
Ndërkohë Policia duhet se ka marrë masa për protestën që pritet të mbahet ditën e sotme. Disa furgona policie dhe makina ujëhedhëse janë vendosur në ambientet para Parlamentit, për të bërë të mundur parandalimin e çdo përshkallëzimi.
Rreth 400 efektivë nga Policia e Tiranës dhe Forcat e Sigurisë Kombëtare (FNSH) janë angazhuar për mbarëvjatjen e protestës para parlamentit, ku si në çdo protestë krijohet kordon me efektivët në perimetrin e parlamentit.
Protesta e opozitës vjen pas një seri tubimesh të përmasave të vogla, pas vendosjes në “arrest shtëpie” të ish-kryeministrit Sali Berisha.
Ata pretendojnë se deputetëve të opozitës u janë mohuar të drejtat në Parlament, kryesisht sipas tyre, e drejta për komisionet hetimore parlamentare.