Një ngjarje e rëndë ka ndodhur në Itali ku një 13-vjeçar me origjinë shqiptare vdiq teksa ishte në gjumë.
Ngjarja raportohet të ketë ndodhur në Traversetolo, në provincën e Parmës, dhe besohet se ka qenë si pasojë e një ataku kardiak.
“La Reppublica” raporton se ka qenë motra 17-vjeçare që ka bërë zbulimin tragjik mëngjesin e sotëm para orës 08:00 në dhomën e gjumit të vëllait të saj të vogël.
Familja thirri menjëherë ndihmë por nuk mund të bëhej asgjë për të riun.
Automjeti mjekësor dhe ambulanca e Kryqit Blu ndërhynë në vendngjarje, në një shtëpi në via Cantini, në qendër të qytetit.
Hetimet i janë besuar policisë.
Vdekja mund të jetë shkaktuar nga një goditje kardiake që e ka goditur trembëdhjetë vjeçarin në gjumë. Autopsia do të sqarojë shkakun e vdekjes.
