Bashkia e Shkodrës dhe e Tiranës kanë zbukuruar në kuadrin e festës së Shën Valentinit.
Në qytetin e Tiranës, Parku i Liqenit Artificial është mbushur me zemra dhe zbukurime që i japin më shumë kuptim kësaj dite ku duhet të mbizotërojë dashuria dhe emocionet e mira.
Ndërkohë në Shkodër në Urën e Bunës është vendosur një mini skenë për të gjithë ata që dëshirojnë të bëjnë foto me një zemër të madhe të kuqe, ndërsa në sfond shfaqet kalaja e Rozafës.
Pamjet i ka shpërndarë në rrjetet sociale edhe kryebashkiaku i Shkodrës nëpërmjet një postimi në Facebook.
“Për dashurinë që fiton mbi çdo gjë, një surprizë modeste nga Bashkia Shkodër”, ka shkruar Benet Beci.
