Deputetja e PD-se, Ina Zhupa paralajmeroi se ligjin per zonat e mbrojtura qe miratoi sot qeveria do ta çojne ne Gjykaten Kushtetuese. “Do ta ndjekim deri në Gjykatën Kushtetuese. BE ka reaguar sepse ligji është në kundërshtim me MSA, negociatat dhe disa konventa dhe është një ligj me porosi.
Projekti për Divjakë Karavasta është gati. Dikush ka pasur sigurinë nga Rama për të ndërtuar aty ku ishte e ndaluar me ligj, pasi ka pasur sigurinë nga Edi Rama. Sot nëse pret një pemë dhe vret një kafshë pasi ka moratorium ndalohesh, por tani miratojnë ligjin.
Mirela Kumbaro është ministrja më e dështuar dhe Edi Rama porositësi. Qeveria jo vetëm është e çmendur por përtej. Kreu i delegacionit të BE-së i drejtoi një letër Lindita Nikollës, që i thotë se së pari nuk ka pasur konsultim publik, e dyta nuk ka transparencë dhe së treti shkelin konventat”.
