Më 28 shkurt Tirana dhe Shqipëria do të presin për herë të parë një Samit dedikuar tërësisht Ukrainës.
Data 28 shkurt do të jetë dhe vizita e parë e presidentit të Ukrainës, Volodymyr Zelensky, datë në të cilën siç thamë do të mbahet samiti për Ukrainën në Ballkanin Përendimor.
Lideri ukrainas pritet të mbërrijë në Tiranë në mbrëmjen e 27 shkurtit, ndërsa më datë 28, të mërkurën, do të marrë pjesë në samitin ku do të marrin pjesë edhe disa nga zyrtarët më të lartë të Brukselit, liderët e vendeve të Ballkanit Perëndimor dhe të Europës Juglindore.
Në axhendën e tij, Presidenti i Ukrainës pritet të ketë disa takime bilaterale, mes të cilave me kryeministrin Edi Rama, Presidentin Bajram Begaj dhe kryeparlamentaren Lindita Nikolla, megjithëse detajet e vizitës, nuk janë konfirmuar ende zyrtarisht për shkak të nivelit të lartë të sigurisë mbi të cilin do të zhvillohet kjo vizitë.