Mëngjesin e sotëm, një ditë pas shpërthimit tragjik në Lushnjë kanë mbërritur prokurorë nga Prokuroria e Fierit, Agjencia Anti-eksploziv, përfaqësues nga OST dhe Inspektorati i Punës.
Po ashtu në vendin e ngjarjes kanë mbërritur edhe ekspertë nga Inspektorati Shtetëror Teknik dhe Industrial, Policia e Lushnjës dhe inxhinierë të OSHEE-së.
Si pasojë e shpërthimit humbën jetën Roland Hoxha dhe djali i tij Elidon Hoxha, babë e bir.
Roland Hoxha 55-vjeç humbi jetën në vendngjarje, ndërsa djali i tij Elidoni ka ndërruar jetë, ndërsa po transportohej drejt spitalit të Traumës në Tiranë.
Ndërkohë që i plagosur ka mbetur edhe deputeti Bujar Çela, i cili i është nënshtruar një ndërhyrjeje kirurgjikale, por sipas mjekëve është jashtë rrezikut për jetën.