Reshjet e dëborës janë rikthyer gjatë natës dhe mëngjesin e sotëm në vend. Autoriteti Rrugor Shqiptar ka reaguar në lidhje me situatën duke bërë me dije se në cilat akse rrugore është duke vazhduar rënia e reshjeve.
Aktualisht sipas ARRSH, Hani i Hotit – Tamarë, Bogë – Theth, Ura e Zapodit – Shishtavec, Bulqizë – Peshkopi dhe Boboshticë – Dardhë.
“Mjetet borëpastruese po punojnë për pastrimin e rrugës dhe shpërndarjen e kripës
Qarkullimi vazhdon pa ndërprerje.
Rekomandohen përdoruesit e rrugës, të lëvizin me shpejtësi të reduktuar, për shkak të lagështisë në rrugë, të përdorin goma dimërore, në zonat me reshje bore, të respektojnë sinjalistikën rrugore, si dhe të ndjekin udhëzimet e Policisë Rrugore” thuhet në njoftimin e ARRSH.
