Vëllai i Fredi Belerit, Leonardo Beleri ka deklaruar për median greke ‘ERT’ se kryebashkiakut të zgjedhur të Himarës i është kërkuar të heq dorë nga bashkia në këmbim të lirisë.
Ai gjithashtu u shpreh se e priste burgosjen e Belerit gjithnjë duke theksuar se sipas tij ky ishte qëllimi i qeverisë Rama.
“Që nga dita e parë e arrestimit e deri më sot, i vetmi sugjerim që i është bërë Fredit është humbja e Bashkisë së Himarës. Domethënë të deklarojë dorëheqjen për të fituar lirinë.
“E priste këtë vendim. Fatkeqësisht, që në momentin e parë synimi i qeverisë Rama ishte që Bashkia e Himarës të qëndronte në të njëjtat duar” tha ai, duke shtuar se nuk ka mundur të kontaktojë me vëllain e tij, pasi nuk e kanë lejuar.
