Një 43-vjeçar shqiptar humbi jetën humbi jetën ditën e sotme në Itali në një incident tragjik. Ai ishte duke riparuar çatinë e një magazine në të cilën ai ishte punëtor dhe ka rënë nga lartësia duke humbur jetën. Ai është identifikuar si Andi Rexhepi, ngjarja ka ndodhur mëngjesin e sotëm në zonën e Carpenedolos.
Sipas mediave italiane, Rexhepi prej 10 muajsh ishte punëtor në këtë magazinë dhe ishte babai i një vajze 16-vjeçe.
Ishin kolegët e tij që lajmëruan menjëherë ambulancën pas ngjarjes së rëndë, por 43-vjeçari nuk ka mundur të mbijetojë. Ndërkohë karabinierët kanë nisur hetimet mbi ngjarjen dhe zbardhjen e përgjegjësve mbi aksidentin.
