Ylli i filmit “Squid Game” O Yeong-su është shpallur fajtor për sjellje të pahijshme seksuale nga një gjykatë në Korenë e Jugut.
Aktori 79-vjeçar është dënuar për ngacmim të një gruaje në dy raste të ndara në vitin 2017, shkruan “The Sun”.
I turpëruari Yeong-su ka marrë një dënim me kusht tetë muaj burg dhe është urdhëruar të ndjekë 40 orë mësime mbi luftën kundër dhunës seksuale .
Shumica e seancave në Degën Seongnam të Gjykatës së Qarkut Suwon ishin të mbyllura për publikun.
Por gjyqtari Jeong Yeon-ju ka thënë që atëherë se të dhënat e viktimës për sulmin ishin “të qëndrueshme…dhe duket se janë deklarata që nuk mund të bëhen pa i përjetuar ato”.
Yeong-su u akuzua në vitin 2022 kur një aktore e akuzoi atë se e kishte prekur në mënyrë të papërshtatshme kur dyshja ishin në turne për një shfaqje, dhe përsëri jashtë shtëpisë së saj.
