Drejtësia britanike ka dënuar me 5 vite burg një 21-vjeçar shqiptar i cili u kap teksa transportonte sasi kokaine dhe heroine me vlerë 200.000 paund.
I riu është Edlir Gjoka, i cili raportohet se ka hyrë ilegalisht në territorin anglez në janar të vitit 2023 dhe vetëm 3 muaj më vonë është përfshirë në veprimtarinë kriminale.
Policia e kapi atë teksa lëvizte me makinë, mjet që e përdorte për të transportuar drogë.
Sipas policisë droga që posedonte i riu shqiptar ishte e klasit A dhe kishte një vlerë deri në 100,000 £.
Heroina gjithashtu peshonte pak më shumë se një kilogram dhe vlerësohej rreth 100,000 £.
Gjoka, u deklarua fajtor për akuzat e posedimit të kokainës dhe heroinës me qëllim të furnizimit.
Mediat britanike thonë se para togave të zeza, 21-vjeçari është shprehur se kishte vepruar si “korrier”,
Avokati Justin Rivett, për Gjokën, tha se klienti i tij u kishte borxh disa personave që e ndihmuan të hynte ilegalisht në vend, por ai nuk kishte ardhur këtu me qëllim që të përfshihej në shkelje të drogës.
