Familjarët e Leta Koçit, 42-vjeçares e cila dje hodhi fëmijën e sapolindur në Tapizë kanë deklaruar se nuk ishin në dijeni të shtatzënisë së saj.
Jashtë kameras fëmijët e saj tregojnë se e kanë gjetur nënën e tyre në banjo në gjendje të rëndë shëndetësore por nuk e dinin se e kishte hedhur foshnjën në lumë.
Gjithashtu fëmijët nuk e dinë nëse foshnja lindi i gjallë apo i vdekur.
Familja jetonte me qira në fshatin Tapizë në kushte jo të mira ekonomike.
Gjendja e vështirë ekonomike, por edhe kushtet e renduara psikologjike dyshohen ta këtë çuar 42-vjeçaren drejt aktit te rende. Koçi duket se e kishte mbajtur të fshehtë shtatzëninë dhe nuk ishte ndjekur as nga ndonjë mjek I zonës, pasi në qendrën ambulatore të Tapizës nuk rezultonte asnjë kartelë mjekësore.
Mbi ngjarjen e rëndë është marrë në pyetje edhe bashkëshorti i 42-vjeçares, i cili po ashtu ka deklaruar se nuk e dinte që ajo priste një fëmijë.
Leta Koçi është nënë e 5 fëmijëve , 3 vajzave dhe 2 djemve më i madhi 25 vjeç.
