Shtyhet sërish vendimi për ankimin e Sali Berishës për t’u lejuar që të marrë pjesë ne seancat parlamentare të Kuvendit. Avokati Genci Gjokutaj shigjetoi prokurorët e SPAK-ut.
“Në seancë prokurorët nuk ishin paraqitur, kishin dorëzuar një shkresë që për arsye profesionale ata nuk mund të ishin prezent. Kjo është një sebep, justifikim i tyre. Ata janë dy prokurorë dhe njëri prej tyre duhet të ishte.
Nuk e kuptoj termin arsye profesionale. Nuk i di arsyet e tjera, por që sigurisht me angazhimin e zotit Rama me punë të tjera, kontakti është shkëputur deri sa të vendoset një tjetër kontakt me Ramën.
Zoti Berisha është në të njëjtat kushte, në jemi në kërkimet tona që ai të marrë pjesë në seancë, të shikojmë Apelin” tha ai.