Xhani De Biazi në një intervistë për “La Tercera” ka komentuar miqësoren e të premtes duke analizura lojën e Kuq e Zinjëve. Sipas tij ekipi shqiptar është kthyer në kundërshtarë të fortë për këdo që ka përballë.
“Ky është një ekip me shumë cilësi, ka shumë lojtarë të cilët luajnë në Itali, shumë lojtarë në futbollin italian që kanë shumë eksperiencë. Janë rritur shumë në nivel ekipor. Mendoj se është ekip i vështirë për çdo kundërshtar. Unë nuk e di se cili është niveli aktual i Kilit, nuk di të them nëse Sançez do të luajë apo jo.
Të Shqipëria lojtar i mirë është Kristjan Asllani, i cili luan te Interi por shumë pak, ashtu si Aleksis. Kjo nuk është gjëja më e rëndësishme për mua, por ka mundësinë që të ketë një rritje të ndjeshme. Ai është një krijues loje që vendoset pak më mbrapa. Ai punon shumë me topin, mund të japë pasime të gjata apo të shkurtra. E humb shumë pak herë topin, por nuk është lojtari i vetëm që bie në sy.
Është gjithashtu edhe Ylber Ramadani i Leçes, një mesfushor shumë i rëndësishëm, ashtu si edhe qendërmbrojtësi Berat Gjimshiti i Atalantës, i cili është kapiteni dhe sjell siguri në prapavijë. Kur unë isha në drejtim, nuk kisha lojtarë kaq të rëndësishëm si tani, nuk kishim një skuadër të këtij niveli.
Nuk e di nivelin e Kilit, nuk e njih në këto momente pasi nuk e kam ndjekur. Por mendoj se si Kili shpesh ka bërë gjëra të rëndësishme në Amerikën e Jugut në Kupën e Amerikës, nuk mund të mendojë se çdo gjë do të jetë e thjeshtë përballë një ekipi si Shqipëria”, tha De Biazi në fjalët e tij për mediat kiliane.
