Prej orës 11:30 vazhdon seanca në Gjykatën e Posaçme për masën e sigurisë për kryetarin e bashkisë në detyrë të Himarës, Jorgo Goro dhe zyrtarët e tjerë të akuzuar.
Mes personave me masë sigurie është edhe drejtori i Agjencisë Shtetërore të Kadastrës Bilbil Aliaj. Goro tha se nuk ka parë letrat por ka firmosur cfarë i kanë vendosur përpara. Edhe Aliaj ua ka hedhur përgjegjësinë të tjerëve duke e shkarkuar te punonjësit.
“Nuk kam patur asnjë kontakt apo njohje me investitorin Artan Gaçi, apo me persona të tjerë të lidhur me të. Nuk kam patur sugjerime, udhëzime apo ndërhyrje lidhur me këtë çështje përfshirë dhe Jorgo Goron.
Më ka ardhur një praktikë si titullar, e përpiluar nga punonjësit përkatës, siç ndodhe zakonisht ku janë ekspertët dhe stafi përpilues, të cilën e kam firmosur si titullar. Kërkoj masë më të butë sigurie si detyrim paraqitje” mësohet se ka deklaruar Aliaj.
