Një zjarr i papritur ka rënë pasditen e sotme në qytetin e Beratit.
Zjarri ka rënë në një magazinë druri në lagjen Uznovë.
Zjarri është pikasur nga banorët e zonës, të cilët kanë njoftuar zjarrfikësit. Në vendngjarje shkuan 3 mjete zjarrfikësish dhe 12 efektivë.
Si pasojë e zjarrit, nuk ka pasur të lënduar por dëme të mëdha materiale, dëme që ende nuk mund të përllogariten.
Mendohet se shkak për rënien e zjarrit është bërë një shkëndijë elektrike.